La Feria de Quesu de Picos d'Europa cumple 83 ediciones

L'eventu faise de manera conxunta cola Feria del Miel del oriente

El Gamonéu ye'l quesu estrella de la feria, con cuasi la metá de los puestos. Pero la variedá del Puertu solo cunta con tres productores apunta José Luis Alonso, ellaborador de quesu Gamonéu del Puertu.

De 200 quilos acabaron prácticamente tol productu a mediudía. Sicasí, nótase daqué menos de xente señala Rosa Isabel Sánchez, ellaboradora de quesu Gamonéu del Valle.

La degustación gratuita inclúi Cabrales, Picón, de Llébana y ocho convidaos de fuera de los Picos d'Europa asegura Marcelino Marcos, conseyeru de Mediu Rural y Política Agraria.

La feria cumple 83 años, con una llixera xuba de precios. Pero amás de quesu na tradicional cita pel Día del Pilar podemos atopar munchu miel.

Son yá 27 años de feria del miel del Oriente d'Asturies, acompañando al eventu queseru destaca Olga Suárez, ellaboradora de miel de Piloña. Tamién hai productos derivaos como piruletes, pintallabios o xabón apunta Teresa Salinas, ellaboradora de productos derivaos del miel.

Los premios xuben a 2.700 euros.