Manifiestu periodísticu a favor de la cooficialidá del asturianu y del eonaviegu

Los periodistes consideren que l'aprobación de la cooficialidá nel parllamentu sedría una noticia histórica p'Asturies

Más de 80 periodistes de medios de comunicación asturianos y nacionales roblaron un manifiestu a favor de la cooficialidá del asturianu y del eonaviegu.

Los 87 periodistes, que roblaron enagora’l manifiestu que’espera seguir sumando xente, creen que l’aprobación de la cooficialidá nel parllamentu asturianu sedría una noticia histórica p’Asturies.

Los promotores del manifiestu insisten en qu’Asturies nun pue dexar morrer la llingua y que munchos llectores, televidentes o oyentes, sofiten l’usu del asturianu nos medios.

Los periodistes Francisco Álvarez, Aitana Castaño y Xuan Cándano creen que los pasos daos hasta agora nun son abondos.

Dempués del de los empresarios y el de los y les trabayadores del sector audiovisual, el presentáu güei ye’l tercer manifiestu impulsáu por colectivos profesionales en favor de la cooficialidá.