La Fundación la Caixa estrena n'Uviéu la esposición 'Colores del Mundo'

Una amuesa de 42 semeyes feches por fotógrafos de la revista National Geographic

'Colores del Mundo' avéranos pente medies de 42 semeyes a llugares llonxanos como Yemen, Chile o Papúa Nueva Guinea. Una esposición albentestate que centra la so mirada na paleta de colores. Concretamente en 7. L’amuesa esgrana la importancia de caún y los significaos que representen en función del llugar del planeta nel que temos destaca Manuela Pedrón, asesora de l’amuesa 'Colores del mundo'.

Caún de los siete colores tará representáu por 6 imáxenes que componen les 42 semeyes de l’amuesa. Los fotógrafos de la revista National Geographix como Steve McCurry, Joel Sartore o Michael Nichols convídennos a reflexonar al traviés de les sos óptiques sobre como nos impacten y xeneren sentimientos los colores, los sos tonos y los sos matices.

L’amuesa tará en La Llosa hasta’l 10 d’avientu viniente. Los sábados y los domingos fadránse visites guiaes pa conocer al detalle l’amuesa que forma parte del programa arte na cai de La Caixa que nos dexa imáxenes tan espectaculares como estes.