'Desfaciendo maíz' enseña cómo se recueye a la manera tradicional

L'oxetivu, averar a los más nuevos a les tradiciones del campu

Va cuatro meses l'asociación 'Desfaciendo maíz' llantó nel muséu una pequeña representación de maíz de dellos colores. Agora, cola llegada de la seronda, ye'l momentu de recoyer la simienta.

Los neños fueron testigos de tol procesu: la recoyida del maíz col focete, la esfoyaza y la preparación de les riestres enantes de poneles a secar na panera.

La cultura del maíz, con toles sos derivaes, foi la llección del día.

A esta actividá va dáse-y continuación con una esposición que sobre'l maíz prepara'l Muséu del Pueblu d'Asturies.