La fotografía como filo interxeneracional nel Evaristo Valle

L'amuesa amiesta les miraes de fotógrafos asturianos contemporáneos con los sos pretéritos

El Muséu Evaristo Valle axunta un centenar de semeyes de 13 artistes de tres xeneraciones. La esposición 'Intergeneracional. Un hilo en la fotografía asturiana' quier dar visibilidá a fotógrafos asturianos más mozos al traviés de les sos conexones con artistes como Valle, Camín o Gonzalo Juanes. L’amuesa podrá visitase hasta finales de xineru.

Un filu invisible conduznos per esta esposición de documentos inéditos y semeyes orixinales, como esta revelada por Camín, el pintor, que mira’l naciente barriu de la Concepción a finales de los 50 en Madrid. L’amuesa amiesta les miraes y conexones de dalgunos fotógrafos asturianos contemporáneos colos sos pretéritos.

El Xixón de los años 60 a color de Gonzalo Juanes ruempe l’estereotipu de la fotografía artística en blanco y negro. El colorao del 'skay' de les sielles del desapaecíu café Auseva retratáu por Juanes revive nesta semeya d’Isabel Marqués. Y la intimidá del so pisu inspira al de Cristina López Doriga. Caún con voz propia.

Ferrero correspuende a la xeneración bisagra que 'Intergeneracional' fai dialogar ensin parar al traviés d’un centenar d’obres de colecciones particulares y de los propios artistes. Podrá visitase hasta’l 27 de xineru nel Muséu Evaristo Valle.