Empieza FéminAs, el Congresu Internacional de Muyeres, Gastronomía y Retu Demográficu

El congresu pon el focu en combatir el despoblamientu rural gracies a proyectos gastronómicos

Combatir el despoblamientu rural gracies a proyectos gastronómicos que dan valir a la zona ye unu de les temes de los que se fala estos díes en FéminAs, el Congresu Internacional de Muyeres, Gastronomía y Retu Demográficu, qu'acaba d'inaugurase n'Uviéu con conferencies y demostraciones culinaries de reputaes chefs.

La chef Elena Lucas llevó'l sabor del monte sorianu a la mesa de FéminAs. El congresu pon anguaño'l focu en combatir la despoblación de les zones rurales. Tán consiguiéndolo cocineres como Iris Jordán, que relevó a so güela na cocina del restaurán familiar, nun pequeñu pueblu del Pirinéu aragonés.

Cuasi 600 persones inscribiéronse pa siguir les xornaes de forma online y unes 60 van asistir presencialmente a les actividaes.