Entama'l festival de cine documental 'Wild Oceans' pa concienciar sobre l'estáu de los océanos

El microplásticu llega yá a les fuexes marines más fonderes

Esta tarde entama en Xixón el festival de cine documental 'Wild Oceans' pa concienciar sobre importancia del caltenimientu de los océanos. Nel acuariu de la ciudá proyectaránse diez documentales que son los seleccionaos d’un total de 500 de tol mundu.

La primer película sedrá l’alemana 'The North Drift' sobre la polución por plásticu. Dempués, habrá un alderique nel que participará l’inxenieru aeronáuticu Héctor Salvador, el primer español en descender a la fuexa de Les Marianes, el llugar más fondu de los mares. Mañana proyectaráse’l segundu capítulu de la serie de Neftlix 'Life on our planet: the first frontier', producida por Steven Spielberg.

Habrá proyecciones y alderiques hasta’l sábadu.