Uviéu, escenariu del universu Marvel col rodaxe de 'Los Cuatro Fantásticos'

L'edificiu de Calatrava sedrá hasta'l vienres escenariu del llargumetraxe

L’edificiu Calatrava de Uviéu acueye esta selmana’l rodaxe de 'Los Cuatro Fantásticos: Primeros pasos', la nueva película de la factoría Marvel que ta dirixida por Matt Shakman y nel que participen Joseph Quinn, Ebon Moss-Bachrach, Vanessa Kirby y Pedro Pascal.

L’emblemáticu inmueble diseñáu pol arquitectu Santiago Calatrava sedrá hasta’l vienres escenariu del rodaxe d’un llargumetraxe sobre l’icónicu equipu de superhéroes que se ta desendolcando con un gran despliegue de seguridá y baxo un gran hermetismu.

La grabación de la superproducción entamó ayeri y ta xenerando una gran espectación nel entornu del edificiu que nes últimes selmanes foi oxetivu d’una llimpieza parcial y na que’l so perímetru sigue acotáu y arrodiáu de camiones, grúes y carpes.

Nesti proyectu, venceyáu a la compañía Disney y que piensen estrenar el 25 de xunetu de 2025, participen los actores Natasha Lyonne, Pedro Pascal, Joseph Quinn, Ebon Moss-Bachrach, Vanessa Kirby, Julia Garner, Paul Walter Hauser y John Malkovich.