Declarada Bien d'Interés Cultural 'La anunciación de la Virgen', d'El Greco

L'análisis de la Universidá d'Uviéu afita que'l cuadru pertenez a los últimos años d'El Greco

El Gobiernu d’Asturies aprobó’l decretu pol que se declara bien d’interés cultural (BIC) la obra La anunciación de la Virgen, atribuyida a El Greco y propiedá de la Fundación Selgas-Fagalde, que va cuatro años intentó vendelu a un muséu húngaru, operación que foi bloquiada pol Ministeriu de Cultura.

El cuadru, venceyáu a la quinta d’El Pitu, en Cuideiru, ye un oleu sobre llenzu de 109 x 57 centímetros que constituye una mengua, con mínimes variantes, del que pintó’l xenial artista cretense Doménikos Theotokópoulos pa la capiya Oballe de Toledo.

El Ministeriu de Cultura y Deporte emitió una orde’l 4 de febreru de 2021 na que se resolvía la inesportabilidá d’esta obra pictórica, conocida tamién como La Asunción de la Virgen o La Inmaculada Concepción, y pidíase al Principáu qu’entamare l’espediente pa la so declaración como BIC, col envís de garantizar la so especial protección énte’l so “gran interés pal patrimoniu históricu”.