La próxima edición del festival de teatru llíricu va incluyir una zarzuela dedicada a 'La Rexenta'

El 31 de mayu celebraráse la Gala Llírica  

La próxima edición del festival de teatru llíricu d'Uviéu va incluyir una zarzuela dedicada a La Rexenta pa conmemorar el 140 aniversariu de la so publicación. Va estrenase'l 10 y el 12 d'abril de 2025, con música de María Manchado y llibretu d'Amelia Valcárcel.

Esta mañana presentóse la nueva temporada que va incluyir, amás d'esi títulu, obres como Doña Francisquita o La Corte del Faraón y va desenvolvese ente febreru y xunu del próximu añu.

El 31 de mayu celebrará la Gala Llírica. Y, de forma paralela, van desenvolvese toa una serie d'actividaes que, ente otres coses, van buscar averar al públicu nuevu a esti xéneru y atraer más espectadores. La zarzuela, dicen los organizadores del festival, tien una salú d'oru anque se reclama más sofitu de les alministraciones.