La rapidez del WhatsApp relegó a les cartes y postales navidiegues

En castellano: La inmediatez del WhatsApp ha relegado a las cartas y postales navideñas

Les nueves tecnoloxíes camuden la forma de comunicase

Atrás quedaron esos tiempos onde escribíemos de puñu y lletra les felicitaciones navidiegues pa los nuestros familiares y amigos. La rapidez revolucionó la forma de comunicanos y WhatsApp, xunto a otres redes sociales, cumplen con esos cometíos.

Nes llibreríes noten la mengua de la venta de postales navidiegues por mor del cambéu de comunicación ente adultos y mocedá asegura Álvaro Fraga, llibreru.

Anque esa mengua seya palpable, les xeneraciones más adultes siguen unviando postales pa evitar la impersonalidá de los mensaxes de WhatsApp señala Covadonga García, llibrera.

Per otru llau, la mocedá vive dientro de les redes sociales y col teléfonu na mano gran parte del día. D’esa manera algamen felicitar a toles persones yá seya con un simple mensaxe o una cadena viral.

L’avance de les comunicaciones y la rapidez dio llugar a que cada vegada veamos menos postales nos buzones de correos.

Comparte