Nicolás Agramunt, Premiu Estraordinariu d'Enseñances Artístiques Profesionales d'Asturies

El músicu mozu entamó a tocar el clarinete na banda de música de Cangas de Narcea

Trece años lleva Nicolás Agramunt tocando un clarinete que lu convertió esti añu nel Premiu Estraordinariu d’Enseñances Artístiques Profesionales d’Asturies. Ex-alumnu del conservatoriu Julián Orbón d’Avilés, ye’l tercer músicu formáu nesti centru que recibe esta distinción.

Afincáu n’Avilés y cursando anguaño estudios superiores en Barcelona, Agramunt entamó a tocar el clarinete por casualidá con seis años, cuando entró a tocar xunto a sos padres y el so hermanu na banda de música de Cangas de Narcea.

Esti premiu de la Conseyería, amás de la dotación económica de 800 euros, asegura ye un impulsu pa siguir moviendo los sos deos y faciendo sonar el so clarinete.

Nesta edición, Nicolás Agramunt comparte’l galardón con Andrés Rubio Figuera, guitarrista del Conservatoriu Profesional de Música y Danza de Xixón, y Daniel González Álvarez, violinista del Conservatoriu Profesional de Música Mancomunidá "Valle del Nalón".