Setenta piragüistes despiden l'añu baxando'l Seya

El Comité Organizador del Descensu Internacional del Seya espera meyorar la organización d'esta carrera n'ediciones vinientes

La San Silvestre de Les Arriondes ye diferente a toles demás, los participantes nun cuerren, baxen el Seya en piragua, y cada vegada son más los que s’apunten a esta atípica carrera pa despidir l’añu apunta Juan Manuel Feliz Granda, presidente del Comité organizador del Descensu Internacional del Seya

Y ye que pa munchos, esta ye la so primer San Silvestre en Piragua aseguren Marcos Estrada y Diego Delaña del Club de piragüismu Villaviciosa El Gaitero.

Anque los más de los participantes pertenecen al Club de Piragüismu Los Rápidos de Les Arriondes, nesta carrera escaécense les rivalidaes destaquen Diego Deleña; Andrea Rodríguez, del Club de piragüismu Los Rápidos de Les Arriondes; y Carmen Olivares, del Club de piragüismu Villaviciosa El Gaitero.

Énte tanta nueva incorporación, el Comité Organizador del Descensu Internacional del Seya espera meyorar la organización de la carrera n’ediciones vinientes.

Con contéu de participantes o ensin él, los piragüistes siguirán llanzándose al Seya cada 31 d’avientu pa despidir l’añu.