Nuechevieya intensa pero ensin incidentes graves nes principales ciudaes asturianes

Los operarios de llimpieza quiten la basura acumulao dempués de la fiesta

Balance positivu de la Nuechevieya nes principales ciudaes asturianes ensin incidentes graves. Ayeri pela nueche l’enllén foi completu peles cais y entá a primer hora víase a los más retrasaos en dir pa la cama. Tamién se traduxo na recoyida de muncha basura.

La Plaza Mayor de Xixón enllenóse ayeri pela nueche pa celebrar la entrada del nuevu añu. Emulsa fizo llabores de llimpieza dende les 6:00, mientres dalgunos asistentes siguieron la fiesta pela mañana.

N’Uviéu, l’Añu Nuevu tamién se vivió con gran ambiente nes cais del cascu antiguu.

Munchu vidriu ye lo que quitaron dende les 7:00 los operarios de llimpieza n’Avilés nes principales cais del centru como Galiana o La Ferrería.

Dalgunos felicitáronse l’añu nuevu con besos y abrazos na mar, aprovechando esti soleyeru primer día del añu pa esfrutar del so primer bañu.

Saborguiando unos deliciosos churros, faciendo deporte o simplemente esfrutando del día, asina arranca esti añu 2025.