El chef asturianu José Andrés, galardonáu cola Medaya Presidencial de la Llibertá

La Medaya Presidencial de la Llibertá ye una condecoración otorgada pol presidente de los EEXX y ta considerada como la condecoración más alta del país

El presidente de los Estaos Xuníos galardonó al chef español José Andrés y al futbolista arxentín Lionel Messi, ente otres celebridaes y figures públiques, cola Medaya Presidencial de la Llibertá, l’honor civil más altu del país. Premios que se quieren dar esti sábadu.

Ente los 19 homenaxaos tán amás la ex-secretaria norteamericana d’Estáu Hillary Clinton, el filántropu y principal donante demócrata George Soros, y Robert F. Kennedy, a quien se-y entregará’l reconocimientu de forma póstuma.

De José Andrés destacóse’l so trabayu pa llevar alimentu en zones de guerra o en llugares arrasaos polos desastres naturales, nun trabayu, a vegaes, de munchu riesgu como se comprobó na Estaya de Gaza, onde morrieron dellos cooperantes polos ataques aéreos d’Israel.