Asturies celebra en Madrid Fusión el reconocimientu de la Unesco a la cultura sidrera

El mayor eventu gastronómicu d'España celébrase baxo'l lema 'Revolucionarios'

El Gobiernu del Principáu celebra estos días en Madrid Fusión el reconocimientu de la cultura sidrera asturiana como patrimoniu inmaterial de la humanidá porque les más de les propuestes gastronómiques que se presentarán nesta edición tendrán como materia prima la tradicional bébora y la mazana.

El conseyeru de Mediu Rural y Política Agraria, Marcelino Marcos, y la viceconseyera de Turismu, Lara Martínez, asistieron esti llunes en Madrid a la inauguración d’esti alcuentru, el mayor eventu gastronómicu d’España, que se celebra baxo’l lema 'Revolucionarios'.

Na so visita a la feria, Marcos señaló que’l distintivu Alimentos del Paraísu ye un recursu turísticu más d’Asturies, mui valoráu pol públicu, y en medría de siguío, y que nesta edición de Madrid Fusión podrán prebase platos como’l pote, fecho con productos como choscu, chorizu, morciella y fabes con Indicación Xeográfica Protexida (IXP).