Más de 60 gamers compiten na segunda edición de la Lliga Asturiana de Videoxuegos

La Pola (Siero) acueye l'eventu

La segunda temporada de la Lliga Asturiana de Videoxuegos tien una cita güei sábadu en La Pola (Siero).

La plaza cubierta acueye’l segundu tornéu de la competición, dempués del que se celebró en Llugones a entamos de mes. Compiten 46 xugadores de manera online y 20 de forma presencial.

Pela mañana, compítese nel videoxuegu 'EA Sport FC', pela tarde, en 'Fortnite' y tol día, en 'Fórmula 1'.

El campeón y subcampeón llevarán troféu, anque’l ganador tendrá plaza na gran final que se celebrará a finales d’añu. Pa tolos que s’averen a siguir esta xornada, hai consoles retro d’accesu llibre y xuegos de 'Jazz Dance'.