Los reis inauguren ARCO nuna edición qu'echa de menos a la galerista Helga de Alvear

La pinacoteca asturiana ATM participa na feria, qu'acaba'l domingu

Los reis inauguraron esti miércoles la edición 2025 de la Feria d'Arte Contemporaneu ARCO con un percorríu nel que tuvieron una especial parada na alcordanza de la galerista y impulsora de la feria Helga de Alvear, muerta va un mes, y que foi homenaxada por artistes y profesionales del sector.

Un percorríu d'una hora y media pelos dos pabellones d'esta feria ARCOmadrid que va tar abierta hasta'l próximu 9 de marzu de 2025 nel recintu ferial d’Ifema, que na so edición 44 tien al Amazones como tema central, un proyectu únicu que xune pasáu y futuru al traviés de les galeríes y la so esencial relación con artistes y coleicionistes.

La galería d’Helga de Alvear ye una de les paraes clásiques de los reis na inauguración de les socesives ediciones d'ARCO, pero anguaño tuvo que ser la so fía Patricia la que recibió a Felipe VI y la reina Letizia nel so stand, quien tuvieron un cariñosu saludu pa ella.