La banda gaites Villa de Xixón, meyor agrupación internacional del desfile de San Patriciu de Nueva York

El pasucáis homenaxa a la cultura irlandesa y celta dende va 264 años

La banda gaites Villa de Xixón ganó’l premiu a meyor agrupación internacional del desfile de San Patriciu de Nueva York.

Los asturianos desfilaron ayeri pela Quinta Avenida, pa celebrar los sos 25 años d’existencia y vuelven a casa con esti importante reconocimientu sol brazu.

Una delegación formada por 75 persones, ente músicos y familiares, viaxó hasta ellí pa participar nesti pasucáis que dende va 264 años homenaxa a la cultura irlandesa y celta nel so conxuntu.