Los Llaureles en Cabranes y Blanco en Cangas del Narcea entren na Guía Repsol con un Sol

El Principáu cunta con un total de 33 restauranes galardonaos con esta distinción

Los cocineros más premiaos de la gastronomía nacional aconceyen en Tenerife na gala d’entrega de los Soles Repsol.

La llista de restauranes galardonaos pola guía cunta dende güei con dos nuevos establecimientos del Principáu, Los Llaureles en Cabranes y Blanco en Cangas del Narcea, los dos con un Sol.

Con estos inxerimientos, el Principáu cunta con un total de 33 restauranes galardonaos, tres con tres Soles Repsol, siete con dos Soles y 24 con un Sol. Colos nuevos inxerimientos, la nómina de restauranes nacionales con esta distinción xube hasta los 789.