Muerre Irene Sierra de Tresmonte, una de les últimes constructores tradicionales de pandeiros

Gran conocedora de la tradición oral del so conceyu, Cangas, participó nel curtiumetraxe 'Muyeres' dirixíu por Marta Lallana

Morrió a los 92 años Irene Sierra Herrero, figura clave na recuperación del folclor asturianu. Conocida como Irene d'Anxelu o de Tresmonte, yera una de les últimes constructores tradicionales de pandeiros n'Asturies y protagonizó programes d'esta casa como Camín de Cantares.

Gran conocedora de la tradición oral del so conceyu, Cangas, participó nel curtiumetraxe 'Muyeres' dirixíu por Marta Lallana, sobre la preservación del cantar rexonal. El funeral va celebrase mañana domingu a les 16:00 na parroquia de Cangas.