'Camín de cantares' vuelve pa 'Siguir en camín'

El patrimoniu oral asturianu sigue investigándose y divulgándose

'Siguir en Camín' ye un nuevu programa conducíu por Xosé Ambás y Ramsés Ilesies. Una evolución natural, como ellos señalen, de 'Camín de Cantares' y 'Camín', col focu na divulgación de la tradición oral asturiana. Esta tarde, a partir de les 19:30, y baxo la dirección del cineasta Ramón Lluís Bande.

Dende Cubia, nel conceyu de Grau, Ambás y Ramsés vuelven al camín. La primer parada, con Mariester, de Ca Pacho, que guarda cantares mui poco conocíos.

Patrimoniu oral asturianu, que siguen investigando, y divulgando, 15 años depués del entamu de 'Camín'.

Cantares, cuentos, refranes; como los que recuerda la madre d'Ambás: Minina, de Ca Florento. Una serie que s'inspira nel Archivu de la Tradición Oral d'Ambás, percorriendo Asturies.