'La Ayalga', última obra del historiador Xuacu Norniella
![Uno de los pueblos asturianos protagonistas del libro 'La Ayalga'](https://www.rtpa.es/fotos//20/11/20201121133338_RTPA160447.jpg)
Siete tesoros de les tierres d’Asturies en busca de financiación
Les tierres d’Asturies escuenden siete tesoros: les siete ayalgues qu’a finales del sieglu XIX l’historiador Xuacu Norniella alcontró gracies al atopamientu de les tables de Cuaña, y que tiempu dempués volvió a ocultar. La so pista siguióla dellos años l’escritor Adolfo Lombardero, qu’agora ufierta tola so investigación nel so últimu llibru, 'La Ayalga'. Una obra qu’amiesta de forma difusa realidá y ficción, y qu’agora busca financiación p’asoleyase.
En Los Llagos de Cuadonga, en Cuideiru, en L’Atalaya de Xixón o quiciabes en dalgún pueblu perdíu. N’años l’escritor Adolfo Lombardero tuvo buscando l’esconderite de los siete pequeños cofres, protexíos por siete seres mitolóxicos, que namás a finales del sieglu XIX foi quien a alcontrar l’historiador Xuacu Norniella. Agora, nun caleyón ensin salida, axunta en busca d’ayuda tola so investigación na so última obra, 'La Ayalga'.
Yá pudieron imaxinar qu’esta historia amiesta ficción y realidá. Lo que podemos garantizar ye qu’eses siete ayalgues tán ocultes de verdá, y puen alcontrase en siete impresionantes escenarios del paisaxe y patrimoniu local. De punta a punta de la nuestra xeografía.
Habrá qu’atender, eso sí, más allá del so testu. Xunir les pieces de los sos mapes, cantares y dibuxos, de creación 100% asturiana. Namás asina podremos dir a la búsqueda d’estos siete tesoros.
Un retu aptu namás pa los más rápidos porque’l so descubrimientu tien premiu. Y vivir amás una esperiencia que trespasa de la ficción de les sos páxines a la realidá de la tierra asturiana.