'Las Cebras', un documental sobre altes capacidaes

N'España calcúlase qu'hai un millón de persones superdotaes, de les que tán identificaes unes 25.000

'Las Cebras' ye un documental sobre altes capacidaes que s’estrena’l xueves. Cunta les necesidaes y potencial d’estes persones superdotaes. Titúlase 'Las Cebras' porque ye’l únicu animal que nun se dexa domesticar.

Un 2% de la población tien altes capacidaes, n’España calcúlase que son un millón de persones y tán identificaes unes 25.000. El documental trata d’eliminar l’estigma que persiste énte los superdotaos.

Recalquen la importancia de potenciar estes capacidaes dende la infancia. Señalen qu’hai que formar al profesoráu y retar cuasi constantemente a estes persones pa qu’amuesen tol so potencial. De cada nueve neños a los que s’identifica con altes capacidaes, namás hai una neña.

El documental estrénase’l día 18 de manera 'on line' na plataforma Filmin, dientro del festival Brain Film Fest.