'Las horas lastimadas. Relatos del Hogar de San José', llibru escritu por Hernán Piniella, ex-internu del Llar

Lo recaldao col llibru va donase al Llar

'Las horas lastimadas' fai referencia a un capítulu del llibru que rememora tiempos mui distintos a los actuales pa la infancia. Asina lo esplica Hernán Piniella, autor del llibru 'Las horas lastimadas. Relatos del Hogar de San José'.

Ye la vida nel Llar retratada dende la perspectiva de Hernán Piniella, pero podía ser la de cualquiera de los 180 neños que compartieron los sos primeros años de vida xuntos, como cunta Celso López, antiguu alumnu de la Fundación Llar de San Xosé.

Sicasí, nun ye un llibru marcáu pola tristura. A la escontra. Ye la historia d’una gran familia. De cómo s’educaron, de les sos andances deportives o de les sos conocíes colectes a favor del Llar. Asina lo asegura José Marino García, otru antiguu internu de la Fundación Llar de San Xosé.

Una tradición que sigue más de mediu sieglu dempués. Lo recaldao con esti llibru, va donase al Llar. El so llar.