'Licencia para espiar', l'últimu trabayu de Carmen Posadas

La Selmana Negra acueye güei la presentación de dos noveles llatinoamericanes

Dos noveles llatinoamericanes y 'Licencia para espiar', l’últimu trabayu de Carmen Posadas, son dalgunos de los trabayos que se presenten güei na Selmana Negra.

A mediu camín ente l’ensayu y la novela, Carmen Posadas aborda’l xéneru del espionaxe. Una asignatura pendiente pa ella, dende que viviere 4 años na embaxada uruguaya nel Moscú de la Guerra Fría. Un percorríu pela historia del espionaxe na so vertiente femenina.

Con 'A la intemperie', el colombianu, pero afincáu en Francia, Gustavo Forero, pon el focu na difícil relación del so país d’adopción cola inmigración árabe.

En 'Arde aún sobre los años', l’arxentín Fernando López rememora la Guerra de Les Malvines y les sos consecuencies na sociedá del so país.

Dos visiones del mundu dende’l prisma llatinoamericanu.