"Un Nataliegu Perbullindiegu", de Victor Raúl Pintado y Alberto Álvarez

La obra fai una retrospectiva de la celebración de la Navidá

La nueche del 24 d'avientu prendía en munches cases asturianes "El Nataliegu" y al día siguiente, los tizones, normalmente de carbayu, yeren motivu de xuegu pa los más pequeños mientres que los mayores guardábenlos a la espera de bona suerte.

Ye una tradición cuasi escaecida qu'agora un llibru n'asturianu y dedicáu a los más pequeños trata de recuperar. Victor Raúl Pintado y Alberto Álvarez son los sos autores.

"Un Nataliegu Perbullindiegu" ye la idea d'estos dos autores p'averar a los más pequeños la tradición. Un total de 60 páxines n'asturianu, con dibuxos abondos, collages, y inclusive desplegables pa facer una retrospectiva de la celebración de la Navidá.

El llibru complétase na parte final con una apartáu etnográficu pa padres y maestros.

Editáu por Trabe, el testu cunta con dos ediciones, una n'asturianu y otra en gallego-asturianu.