'Xuliana y Donato pasando el rato', un cuentu infantil que llucha pola igualdá

El coletivu Milenta Muyeres busca víes de financiación, dempués del éxitu inicial

Dientro del so proyectu pa la visibilización de les artistes asturianes y la llucha pola igualdá ente homes y muyeres, el colectivu Milenta Muyeres editaba un cuentu infantil a entamos d’añu gracies a l’ayuda económica del Institutu Asturianu de la Muyer.

Pudieron facer 140 exemplares pa distribuyilos ente los colexos asturianos priorizando los de la zona rural, pero l’éxitu foi tal que los que quedaron fuera d’esa primer remesa, incluyíes biblioteques de toa Asturies, piden más. Pa ello busquen agora’l mou de financialu.

Son 'Xuliana y Donato pasando el rato' y les sos aventures tán siendo un éxitu ente los más pequeños. Foi la primer oportunidá de l’artista asturiana Laura Lara Sánchez pa illustrar un llibru.

Bitxo dio vida a unos personaxes que busquen educar igualdá, ensin estereotipos, ensin roles.

Dirixíu a escolares ente tres y seis años, y espardíos yá 140 exemplares gracies a una subvención del Institutu Asturianu de la Muyer, son munchos los colexos y biblioteques que quedaron ensin el so cuentu.

Poro, les sos autores, el colectivu Milenta Muyeres enfótase por buscar vía de financiación.

Pa que los neños y neñes asturianos puean deprender de Xuliana y Donato que puen ser lo que quieran pues, como dicen nel so cuentu, ellos siendo sapu y rana, sedrán lo que-yos dea la gana.