87 persones algamaron trabayu con ayuda d'Accem

La mano d'obra inmigrante ye cada vegada más necesaria pa cubrir la falta de trabayadores

La ONG Accem atendió ente xineru y payares d’esti añu a un total de 255 migrantes solicitantes de protección internacional, al traviés del so programa 'Ariadna'. Ye un programa que promueve l’inxerimientu sociollaboral del que pide asilu, refuxaos o con otru tipu de protección.

Jhose Miguel Blanco, natural de Venezuela, buscaba trabayu cuando llegó a España va cuasi dos años y Alicia de Felipe, propietaria d’una empresa de piscines, buscaba mano d’obra.

Accem fizo’l restu. La organización, al traviés d’ún de los sos programes, busca empreses que s’adapten al perfil de les persones a les qu’acompaña nel so inxerimientu social y llaboral, esplica Raúl Fernández, prospector llaboral del programa d’inxerimientu sociollaboral 'Ariadna' d’Accem.

La mano d’obra inmigrante, según trabayadores y intermediarios, ye cada vegada más necesaria pa cubrir la falta de trabayadores.

El programa 'Ariadna' d’Accem, pa refuxaos y solicitantes de protección internacional, atendió n’Asturies a 255 persones ente xineru y payares d’esti añu. Anque nos seis primeros meses dende que cursen la solicitú nun puen trabayar, 87 d’elles yá alcontraron trabayu.