Abierta la convocatoria 'Asturies crea Idees. Llaboratoriu de formatos'

La RTPA busca un programa audiovisual orixinal pa la so emisión na estaya 'prime time'

La RTPA busca un programa audiovisual orixinal pa la so emisión na estaya 'prime time'. Pa ello, punxo en marcha una nueva convocatoria de 'Asturies crea Idees. Llaboratoriu de formatos', pa seleccionar un programa pilotu.

La temática ye llibre. Búscase que la propuesta nun se centre namás nel entretenimientu, sinón que tamién inspire, divulgue y arriqueza la sociedá asturiana.

La producción del pilotu seleccionáu sedrá financiada pola RTPA. El costu del capítulu nun podrá superar los 10.000 euros.

Dempués, podrá encargase una serie con un máximu de 26 episodios. Los proyectos podrán presentase al traviés de la web.