Acaba la Feria Narcenatur de Cangas del Narcea
![Cartel de acceso a la Feria Narcenatur en Cangas del Narcea](https://www.rtpa.es/fotos//21/06/20210606140407_RTPA844677.jpg)
Concursu de pesca y troféu de tiru al platu
Última xornada de la Feria Narcenatur, en Cangas del Narcea. Hasta les 16:00 sigue abiertu’l mercáu artesanal nel parque d’El Fuexu y güei tamién se ta celebrando’l concursu de pesca y el troféu de tiru al platu.
En tol fin de selmana la ponte colgante foi un dir y venir de xente en dirección al parque d’El Fuexu. Ye l’escenariu escoyíu esti añu pa celebrar Narcenatur. Un aciertu pa visitantes y comerciantes, contentos amás coles ventes.
Munchos de los productos que puen vese nesti mercáu formen parte tamién d’una suxerente guía d’artesanos y productores locales que se presentaron en Narcenatur.
Amás, en tola xornada ta desendolcándose pel ríu, al so pasu pela villa, el cuartu concursu de pesca ‘Desafío Narcenatur’.