Arranca 'Metrópoli', ún de los festivales más multitudinarios del branu xixonés

'Tatto Expo' axunta esti fin de selmana a los amantes del tatuaxe del norte d'España

Nueve díes per delantre d’ún de los festivales más multitudinarios del branu xixonés, 'Metrópoli', que vuelve dempués de dos años de restricciones pola pandemia, cargáu de propuestes y muncha música: dende Loquillo, qu’actuará esta nueche, hasta Calamaro, Taburete o Beret. Esti fin de selmana protagonismu, amás, pa los amantes de tintar el so cuerpu.

Con un recintu ferial cargáu de requexos con delles actividaes pa tolos públicos, esti ye ensin dulda ún de los más buscaos, la séptima edición d’un eventu ineludible pa los amantes del tatuaxe del norte d’España. 'Tatto Expo' axunta a artistes de tol mundu con especial protagonismu d’una tendencia n’espoxigue, l’anime.

Pero Metrópoli tampoco defraudará a los señaldosos colos sos siempres orixinales propuestes espositives, los fans del cómic y los amantes del 'cosplay' tendrán qu’esperar al fin de selmana viniente.

El 7 de xunetu arranca la Cómic Con, onde les caracterizaciones acaparen tol protagonismu col exitosu concursu y desfile de 'cosplayer' darréu.

Mercáu, restauración y hasta peluquería.

Y nel planu musical, pa zarrar la xornada, esta nueche, dos opciones: la música urbana de Rapsusklei, Quevedo y Bizarrap, o’l rock and roll de Loquillo, col so trixésimu discu 'Diario de una tregua'.