Asiegu, Pueblu Exemplar d'Asturies 2019

En castellano: Asiegu, Pueblo Ejemplar de Asturias 2019

El xuráu destaca'l modelu de desenvolvimientu rural basáu nel aprovechamientu de los recursos naturales

Asiegu, una pequeña aldega de Cabrales asitiada nel corazón de los Picos d'Europa, foi distinguida esti llunes col Premiu Pueblu Exemplar d'Asturies 2019 pol so modelu de desenvolvimientu rural basáu nel aprovechamientu de los recursos naturales.

Asitiáu frente al Urriellu, el picu más emblemáticu del Parque Nacional, esti pequeñu pueblu de monte de malapenes un centenar d'habitantes caltién cases d'arquitectura tradicional asturiana y delles queseríes nes que s'ellabora'l conocíu Cabrales.

Esti galardón, concedíu pola Fundación Princesa y al qu'anguaño optaben 26 candidatures, lleva acomuñada la visita de los reis d'España un día dempués de la ceremonia d'entrega de los Premios Princesa d'Asturies nel Teatru Campoamor d'Uviéu.

Comparte

Noticias relacionadas