Asturies, n'avisu mariellu por lluvia y truenes

Los termómetros cayeron hasta 10 graos d'un día a otru

Asturies ta ente les seis comunidaes autónomes que tán esti domingu n'alerta por lluvia, truena o calor, según informa l'Axencia Estatal de Meteoroloxía (Aemet).

En concreto, Asturies ta n'avisu mariellu por lluvia, con agua acumulao de 15 llitros per metru cuadráu nuna hora na costa oriental, cordal, Picos d'Europa y suroccidental, que van poder dir acompañaes de truenes.

D'un día a otru los termómetros cayeron hasta 10 graos y les truenes provocaron incidencies, non tanto pola lluvia como por efectu de los rayos.

Una de les zones peor paraes foi Xixón. La truena eléctrica provocó la cayida de la rede semafórica en dellos puntos de la ciudá, lo qu'obligó a los conductores a estremar el cuidáu. Los barrios de Viesques, El Coto y el centru de la ciudá fueron los más afectaos.

Amás, 1.286 rayos cayeron n'Asturies dende les 07:10 de la mañana.