Asturies caltién les sos nueve estrelles Michelín
![Asturias conserva sus nueve estrellas Michelín](https://www.rtpa.es/fotos//20/12/20201215143829_RTPA241082.jpg)
Un añu nel que les bones noticies pal sector son poques
Asturies caltién les sos nueve estrelles Michelín. La novedá d’esta edición ye que Michelin quixo reconocer a los restauranes comprometíos col mediu ambiente pente medies d’un nuevu cuñu: La estrella verde.
En total, 21 establecimientos son los premiaos y ente ellos ta El Llar de Viri, en San Román de Candamu.
Asturies algama caltener toles sos estrelles Michelín, nun añu nel que les bones noticies pal sector son poques.
Nel restaurán 'El Retiro' de Pancar, en Llanes, repiten per sestu añu siguíu. Dempués de la so reapertura, son optimistes de cara a les selmanes qu’entren.
A otros, como 'El Corral del Indianu', en Les Arriondes, la noticia garrólos acabando los preparativos pa la so vuelta. Anque cuenten con 22 años de premiu al llombu, creen que supondrá un impulsu clave pal negociu.
Una estrella qu’esperen siga guiando’l so camín, nuna campaña navidiega como nunca vieren enantes.