Avilés homenaxa a Dacal, una lleenda del deporte español

L'ex-boxeador, enfermu d'ELA dende va meses, nun pudo parar la emoción

Avilés rindió un emotivu homenaxe a una lleenda del deporte español en palabres del presidente del COI, Alejandro Blanco. Enrique Rodríguez Cal, Dacal, medaya de bronce en boxéu nel 72 y abanderáu español en Montreal 76 nun pudo parar la emoción nuna mañana onde'l polideportivu del so barriu, Llaranes, yá lleva'l so nome.

Cola antorcha olímpica de Barcelona 92 salía de la plaza del Conceyu d'Avilés la carrera de relevos pa homenaxar a Enrique Rodriguez Cal, Dacal. El boxeador bronce en Múnich 72 que supunxo la única medaya d'España neses olimpiaes y la primera del boxéu nacional. Dacal enfermu d'ELA dende va meses emocionóse.

L’ex-boxeador siguió la carrera dende un coche onde 18 deportistes fueron tomando l'antorcha como l'avilesín Alfonso Menéndez, oru en Barcelona 92 en tiru con arcu, que foi l'encargáu de da-y el relevu a Dacal.

Tamién s'afayó un bustu de Dacal del artista Favila xunto al polideportivu de La Toba que d'equí p'alantre va llevar el so nome.

Un homenaxe a una lleenda del deporte español, como recordó'l presidente del COI. Un día pa la hestoria del campeón de los puños de bronce.