Webcams
Buscar
Avilés prepárase pa la xinta na cai del llunes coles sos 15.000 places yá completes
La fiesta estrena dos nuevos asitiamientos, el Parque d'El Muelle y la plaza de Pedro Menéndez
La Xinta na Cai d’Avilés cumplirá’l Llunes de Pascua viniente trenta y un años con una
participación de 15.0000 comensales al rodiu d’una mesa de 5 kilómetros distribuyida en 29 cais y places del cascu históricu, esplicó esti miércoles l’Ayuntamientu.
La Xinta na Cai d’El Bollu 2024 entamará esta vegada col estrenu de dos nuevos asitiamientos: el parque d’El Muelle y la plaza de Pedro Menéndez, espacios remocicaos va poco pa dar más protagonismu al peatón.
Ente les personalidaes que confirmaron la so asistencia, ta la vicealcaldesa de San Agustín de la Florida, ciudá hermanada con Avilés, Roxanne Horvath.
Na edición d’anguaño usaránse 3.750 caballetes y 1.250 tableros, qu’algamen un llargor de 4.987,50 metros, sobre los que se colocarán otros cinco kilómetros de mantel, y xunto a los que se pondrán sielles pa los 15.000 comensales.
Les actuaciones musicales tendrán llugar na plaza de Carlos Lobo, la plaza Hermanos Orbón, la plaza d’El Carbayedo y, como novedá, el parque d’El Muelle y la cai Rivero.
