Avilés presenta al Palacio Valdés como un teatru de riesgu y innovación

El palaciu avilesín sedrá sede de la VI Escuela de branu de l'Academia de les Artes Escéniques

La conceyala de Cultura d’Avilés, Yolanda Alonso, presentó esti llunes al Palacio Valdés como un teatru “de riesgu y d’innovación”, onde, amás de los grandes clásicos, hai sitiu pa la diversidá, les nueves tendencies y les obres qu’entá nun tán avalaes pola crítica.

La conceyala dixo estes palabres nel actu d’inauguración de la Escuela de Branu de l’Academia de les Artes Escéniques d’España que, na so sesta edición, llega per segunda vegada a Avilés.

Alonso dixo que la Escuela recueye producciones qu’entá nun tuvieron percorríu, que nun fueron avalaes pola crítica o pol públicu, y, amás, tien sitiu tamién “el gran” plantel de dramaturgos qu’enagora tán “faciendo coses maraviyoses dafechu”.