Boston ríndese a la música y tradición de la Banda de Gaites de Corvera

Primer agrupación musical española y europea non irlandesa en participar nel desfile más antiguu de los EEXX

La Banda de Gaites de Corvera marcó un nuevu finxu al ser la primer agrupación española, y la primera europea non irlandesa, en participar nel desfile de San Patricio de Boston.

La banda foi embaxadora de la cultura sidrera asturiana énte más d’un millón d’espectadores y los 200.000 participantes nel desfile.

Enantes participaron nun conciertu en Newport, onde interpretaron temes tradicionales asturianos, amás, ficieron un escanciáu reivindicativu de sidra, porque la Banda ye embaxadora de la candidatura a patrimoniu inmaterial de la humanidá pola Unesco de la cultura sidrera asturiana.

La banda de Gaites de Corvera nació en 1998. Dende entos asoleyó dos discos y fueron los primeros en paticipar nos desfiles de San Patricio de Nueva York y la primera en facer un conciertu na gran muralla de China.