Castrillón estrena la 'Sienda la Poesía'

Una iniciativa cola que quier dase a conocer la creación lliteraria del Principáu

Castrillón estrena la 'Sienda la Poesía'. Una iniciativa cola que quier dase a conocer la creación lliteraria del Principáu, al empar qu’ufierten un nuevu reclamu pal turismu cultural nel conceyu. El percorríu inxerta una docena de plaques de poetes asturianos.

La iniciativa cunta cola collaboración de l’Asociación d’Escritores d’Asturies y forma parte del proyectu 'Asturies Capital Mundial de la Poesía'.

El Muséu de la Mina d’Arnáu o’l Muséu d’Ancles son otros dos llugares emblemáticos, que tamién cunten con una de les plaques. Los promotores de la iniciativa nun descarten nun futuru, medrar el númberu d’espacios con plaques poétiques.