Cita de llectores

L'escritor Juan José Millás, convidáu d'honor

Diz l'escritor Juan José Millás que cada llector reescribe un llibru cuando lu llee. Por eso reconocía sentise daqué asustáu, minutos enantes de xubise al escenariu y escuchar les reflexones de los cerca de 950 llectores qu'esta mañana participaron en Mieres nel undécimu alcuentru de clubes de llectura d'Asturies.

Una fiesta sobre la lliteratura qu'axuntó a llectores d'una trentena de conceyos. Porque anque eso de lleer ye daqué que se practica en solitario, toos coinciden en destacar que l'aprendizaxe ye mayor cuando se comparte.

Un alcuentru pa estrechar llazos y reivindicar l'afición pola llectura.