Coles manes na masa na contorna de Fontes del Narcea

Festival d'ecoturismu 'En peligru d'estinción' en Cangas, Ibias y Degaña

Aprender a ellaborar una fogaza de pan a la manera tradicional, amasar, da-y forma y enfornala nun fornu de lleña. Ye la esperiencia de la qu'esfrutaron esta mañana en Casa Mario una decena de participantes nel festival d'ecoturismu 'En peligru d'estinción'. Dalgunos quedaren coles ganes n'ediciones anteriores y otros esfruten tanto del procesu, que repiten.

Munchos participen per primer vegada nel festival y otros son avezaos, compartiendo la idea cola que se creó de nun perder y dar a conocer oficios y tradiciones que supieron caltenese nel tiempu.

Hasta'l 2 de xunu en Cangas, Ibias y Degaña pue esfrutase de les más de 50 actividaes y esperiencies rellacionaes cola natura, la gastronomía, l'artesanía y les tradiciones de la contorna qu'ufierta'l festival.