Completu nos hoteles de Xixón col arranque de la Selmana Grande

Bones mires nel sector hosteleru

La fiesta vive en Xixón, col entamu de la Selmana Grande. Hai música, teatru y otres ufiertes qu'axunten cultura y diversión. Lo que se ve yá estos díes ye un gran ambiente de vecinos y visitantes.

La llegada de la Selmana Grande déxase notar nos hoteles de Xixón. Les cancelaciones de les primeres selmanes dieron pasu al cartelu de completu nos establecimientos hoteleros. Tanto nel nuedu urbanu, como na zona rural.

Bones mires tamién nel sector hosteleru. La presencia de turistes garantiza unos bonos datos, a pesar de que per segundu añu consecutivu, nun se vayan celebrar los grandes eventos de la Selmana Grande.

Nun va haber Nueche de Fueos, nin Danza Prima y Restallón. Tampoco conciertos masivos. El Conceyu cámbialos por eventos de pequeñu formatu distribuyíos per tolos barrios.

A falta de les grandes cites, va ser l'ambiente nes cais lo qu'alimente a la gran selmana festiva del branu de Xixón.