Corniana quier tener un archivu fotográficu

Un vecín del pueblu ta axuntando cartelos, publicaciones y semeyes del pueblu

Caltener la historia de Corniana al traviés de documentos gráficos. Esto ye lo que busca David Valiela, vecín del pueblu, y que foi axuntando semeyes, trípticos, publicaciones en prensa, porfolios de les fiestes, participaciones de llotería o calendarios. Un material col mesmu denomador común: Corniana.

Son munchos los vecinos que fueron apurriendo cartelos o semeyes, y qu’esfruten recordando cómo yera esti pueblu.

Sicasí, esti fondu quier siguir medrando. Echen en falta, por exemplu, material venceyáu a la pesca. Al empar, la idea ye poder esponelu. D’ehí que pidan la collaboración de toos aquellos que tengan daqué qu’apurrir pa que l’archivu fotográficu de Corniana siga medrando.