Cúmplese un añu de la primer emisión del espaciu Conceyu a Conceyu

El programa de TPA yá percorrió 48 de los 78 conceyos asturianos

Güei, 14 de xineru, cúmplese un añu del entamu de Conceyu a Conceyu. Entamamos el camín con Valdés, como protagonista d'un informativu que tresllada'l día a día de los conceyos y que paró yá en 48 conceyos.

D'ellos, contamos el so pasáu, presente y futuru, la so demografía, la historia de los sos ayuntamientos na democracia d'anguaño, la so cultura o los sos requexos más significativos.

Too narrao polos nuestros equipos espardíos pela xeografía asturiana. Con sitiu, amás, pal testimoniu de personaxes que nun se puen escaecer.

Caldía averámos-yos l'actualidá del territoriu, un territoriu qu'esti añu quemóse y inundóse. Les carreteres, el llabor d'institutos y colexos, les demandes de los vecinos, y abondo más. Too tien sitiu y voz nesti espaciu.

Esta selmana, ye'l turnu d'Avilés y les siguientes taremos en Colunga, Ibias y Xixón.

N'agostu, completaremos el primer viaxe pelos 78 conceyos.