Diego Hidalgo propón retomar el control énte la meyora de les tecnoloxíes

Presenta 'Retomar el control, 50 reflexones pa repensar el nuesu futuru dixital'

Diego Hidalgo ye autor de 'Retomar el control, 50 reflexiones para repensar nuestro futuro digital', un llibru que propón retomar el control énte la meyora de les tecnoloxíes.

Nuna entrevista en TPA Noticies Matinal, Hidalgo asegura que'l llibru llanza una alerta y quier sensibilizar sobro los riesgos d'una tecnoloxía cada vez más autónoma.

Riesgos, por casu, pa la salú. Ente 1990 y 2020 aumentaron el 400% los problemes de salú mental en menores de 20 años, señala Diego Hidalgo.

Riesgos pa la educación tamién, riesgu de volvenos cada vez más tontos o d'abusar de los dispositivos. L'autor asegura per otru llau, que se debe aprender, dende les primeres etapes, a usar les ferramientes, anque ye partidariu de prohibir l'usu de móviles hasta cierta edá.

Hidalgo sollerta tamién sobro la Intelixencia artificial que va faer que dexemos de tomar decisiones cotidianes, lo que pon en riesgu la nuesa llibertá y felicidá.