Dos obres de Lope de Vega inauguren el IV Festival de Teatru Barrocu Bances Candamo d'Avilés

Producción de la Fundación Siglo de Oro

El clásicu de Lope de Vega “El perro del hortelano” va inaugurar el IV Festival Bances Candamo nel Teatru Palacio Valdés, con dirección de Dominic Dromgoole, ex-director del Shakespeare's Globe Thatre, y un repartu coral nuna producción de la Fundación Siglo de Oro

Va Ser el próximu esta tarde, a les 20:00 nel escenariu del Teatru Palacio Valdés.

Esta versión del clásicu de les lletres españoles cuenta col sellu de la Fundación Siglo de Oro y el so compromisu colos testos d'esta dómina dende una perspectiva que dexe al públicu redescubrilos con tola so riqueza, tanto escénica como formal.

Too ello da llugar a un espectáculu con dellos niveles de llectura, dende'l xuegu d'amores hasta la llucha contra lo afitao, indicó la organización nuna reseña.

“El perro del hortelano” ye una hestoria de sangre azul, d'erotismu y privilexos, los qu'ostentaba l'aristocracia a empiezos del sieglu XVII, vistida de drama d'amor, envidia, celos y honor, y cola so acción desendolcada en Nápoles.

“El perro del hortelano” ye la primera de les tres obres que componen la IV edición del Festival Barrocu Bances Candamo.

Siguirá-y el próximu sábadu “La dama boba”, tamién de Lope de Vega, y va concluyir el domingu con “El gran teatro del mundo”, de Calderón de la Barca.