El Celsius de Lliteratura Fantástica axunta mocedá y veteranía na so nueva edición

El cascu históricu avilesín inundaráse de lliteratura y fantasía

La XIII edición del Celsius 232 axuntará n’Avilés mocedá y veteranía al cuntar cola presencia de referentes clave de la fantasía, la ciencia ficción y el terror de les últimes décades, según dixo la organización, qu’esti llunes ufiertó los detalles d’una programación qu’entamará mañana, martes, y que s’allargará hasta’l sábadu, 20 de xunetu viniente.

Firmes como la de Barbara Hambly, Karen Lord, Sue Burke, Charlie Jean Anders o Travis Bladree son dalguna amuesa de les estrelles convidaes a una edición que cuntará tamién cola presencia del cineasta Álex de la Iglesia y d’ún de los sos grandes referentes artísticos, Sandy Petersen, el creador del míticu xuegu de rol “La Llamada de Cthulhu”

La lliteratura moza tamién tará presente con nomes destacaos como Holly Black, Christopher Paolini, Cassandra Clare o Katherine Arden.