El Festival de Teatru Grecollatín d'Asturies celebra'l so 25 aniversariu

El Xovellanos acueye cuatro obres de teatru representaes por y pa estudiantes de Secundaria

Alumnáu de toa Asturies danse cita nel Teatru Xovellanos pa esfrutar de les representaciones de la XXIII edición del Festival Xuvenil de Teatru Grecollatín.

Dempués de dos años de parón pola pandemia’l festival vuelve al Xovellanos na so defensa de los clásicos, dende’l so averamientu al alumnáu yá a edaes tempranes. Un total de 25 años pasaron dende que los profesores de Llatín, Griegu y Cultura Clásica dieren vida per primer vegada a esta actividá.

Dir a obres de teatru clásicu grecollatín ye una esperiencia de gran interés pal alumnáu de Secundaria, qu’enantes prepararon les obres que van ver nes sos clases. Profesoráu y alumnáu participantes consideren que ye una llección.