El Foru Comunicación y Escuela d'A Veiga va facese de manera virtual

Juan Mata, Ana Santos o'l doctor López Acuña, ente los invitaos

El décimu tercer Foru de Comunicación y Escuela del Occidente va facese anguaño de manera virtual. Güei foi la so presentación y nella ensayóse'l modelu que va rexir la trentena d'actividaes previstes hasta dempués del branu.

Los alumnos del institutu d'A Veiga, tamién d'otros, pudieron conocer en fondura detalles d'un programa que ye más curtiu, pero intensu.

Van tar presentes nel foru, anque de manera virtual, el futbolista del Manchester Juan Mata, la directora de la Biblioteca Nacional, Ana Santos, el doctor López Acuña o'l presidente'l Principáu.

La clausura del Foru Comunicación y Escuela d'A Veiga​ prevén que seya de manera presencial en payares y la celebración d'otres actividaes, agora virtuales, podríen ser estudiaes ante una posible meyora de la situación sanitaria.